ಅಜೆಕಾರಿಗೊಂದು ಎ.ಸಿ ಹೋಟೇಲು ಆತಿಥ್ಯ

ಚಿತ್ರ,ವರದಿ: ಶೇಖರ ಅಜೆಕಾರು ಅಜೆಕಾರಿನ ಪಾರಂಪರಿಕಾ ಹೋಟೇಲುಗಳ ನಡುವೆ ಈಗಿನ ಜನಾಂಗಕ್ಕೆ ಬೇಕಾಗುವಂತಹ ಹೊಸ ಶೈಲಿಯ ಹೋಟೇಲ್ ಆತಿಥ್ಯ ಪೇಟೆಯ ಹೃದಯ ಭಾಗದ ಲೋಬೋ ಕಾಂಪ್ಲೆಕ್ಸ್‌ನಲ್ಲಿ ಕಾರ್ಯಾರಂಭಗೊಳಿಸಿದೆ. ಹೋಬಳಿ ಕೇಂದ್ರವಾಗಿದ್ದರೂ ನಾನಾ ಕಾರಣಗಳಿಗಾಗಿ ಬೆಳೆಯದ ಈ ಪೇಟೆಗೆ ಈಗ ಹೊಸ ಹೋಟೇಲು ಹವಾ ನಿಯಂತ್ರಿತ (ಎ.ಸಿ)ಕೋಣೆಯನ್ನು ಪರಿಚಯಿಸಿದೆ. ಅಜೆಕಾರಿನವರಾಗಿದ್ದು ವಿವಿದೆಡೆಗಳಲ್ಲಿ ಕಾರ್ಯನಿರ್ವಹಿಸಿ ಅನುಭವ ಇರುವ ಯುವಕರ ತಂಡ ಈ ಹೋಟೇಲನ್ನು ಊರಿಗೆ ಸಮರ್ಪಿಸಿದ್ದು, ಬೇಕಾದಷ್ಟು ಪಾರ್ಕಿಂಗ್ ಜಾಗ ಸುತ್ತ ಮುತ್ತ ಇರುವುದು ಪ್ಲಸ್ ಪಯಿಂಟ್. ಪ್ರಸಿದ್ಧ ಜೈನ ಕ್ಷೇತ್ರ ವಾರಂಗಕ್ಕೆ ಬರುವ ಯಾತ್ರಾರ್ಥಿಗಳು ಕಾರ್ಕಳ- ಮೂಡುಬಿದಿರೆ ಕಡೆ ಹೋಗುವವರಿಗೆ ಅನುಕೂಲ.ಪ್ರವಾಸಿಗಳಿಗೂ ಈ ಭಾಗದಲ್ಲಿ ಊಟ ಉಪಹಾರಕ್ಕೆ ಉತ್ತಮ ಅವಕಾಶ.ಬೆಳಗ್ಗೆ ೬.೦೦ ರಿಂದ ರಾತ್ರಿ ಹತ್ತರವರೆಗೆ ಸೇವೆ ನೀಡುತ್ತೇವೆ ಅಂತಾರೆ ಯುವಕರು.ನಗರಕ್ಕೆ ವಲಸೆ ಹೋಗದೆ ತಮ್ಮ ತಮ್ಮ ಊರಲ್ಲಿದ್ದು ಕೊಂಡು ಸಾಧನೆ ಮಾಡುವವರಿಗೆ ಇದು ಶುಭ ಸುದ್ಧಿ.